異體字- 維基百科，自由嘅百科全書

例子 異體字 出自維基百科，自由嘅百科全書 跳去導覽 跳去搵嘢 異體字，或者叫又體、或體、《說文解字》入面叫重文，即係話同音同義，但寫法唔同嘅漢字。

異體字又可分為「完全異體字」（點情況下讀音同意義都一樣）同「部分異體字」（只喺某啲情況下先相通）。

有時異體字特別指官方正體字對應規範字之外嘅字，不過因為唔同中文地區對正體字都有唔同認知，有啲字係一度係正體但去咗另一度就會變異體，例如喺簡體中文使用地區，「夠」係「够」嘅異體字，但係喺繁體中文使用區就掉轉。

目錄 1例子 2正俗字 3日韓漢字 4睇埋 5出面網頁 例子[編輯] 其中一啲異體字例子： 骨 骨 骨 戶 户 戸 強 强 彊 畫 畵 画 線 綫   匯 滙   裡 裏   夜 亱   迹 跡   恆 恒   正俗字[編輯] 中國傳統嘅文字有正俗之分，又叫做正寫同俗寫。

正字較符合造字原意，畀字書接受；俗字就係民間為咗書寫方便，減省或者變化筆劃而嚟，但好多俗字而家都已經變咗標準寫法，而原本當係正字嘅字就叫做本字。

呢啲唔同寫法嘅字通常亦都當係異體字的一種。

正字 原為俗字 爲 為 為 蟁 蚊 敎 教 卽 即 旣 既 靑 青 羣 群 竝 並 喫 吃 纔 才 日韓漢字[編輯] 有啲字喺中文度完全係異體字，不過日文就有第二啲用法，所以呢啲字喺日文就當另一個字，而唔當係異體字。

好似咲，中文係笑嘅異體字，喺日文就有「綻放」嘅意思；菓，喺中文係果嘅俗字，喺日文就解“糖果、零食”，呢兩個字都收錄喺日本《常用漢字表》入面。

有啲寫法喺中文已經唔用，但喺日文同韓文漢字重有用： 日文漢字 韓文漢字 中文 直 直 直 真 眞 真 叛 叛 叛 汚 汚 污 有啲字，日文韓文通行寫法同中文通行寫法唔同： 日文漢字 韓文漢字 中文 氷 氷 冰 姉 姉 姊 呪 呪 咒 睇埋[編輯] 字形 字體 簡化字 繁体字 規範漢字 正體字 通假字 第一批異體字整理表 中日韓統一表意文字 出面網頁[編輯] 異體字表修訂版 中華民國教育部異體字字典 中研院史語所電腦漢字字形、異體字及詞彙整合知識庫 由「https://zh-yue.wikipedia.org/w/index.php?title=異體字&oldid=1118912」收 屬於1類：中文 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 EnglishFrançaisItalianoРусский中文文言 改拎