國際學校︳友人慨嘆國際學校「變質」移民尋出路Vikey媽媽

前幾日，同香港嘅朋友傾偈，佢大吐苦水：香港好多國際學校已經「變質」，想安排阿仔出國留學。

朋友阿仔就讀一間國際學校。

此校嘅幼兒教育有口皆碑， ... × Oh!爸媽 本地升學 國際課程 國際學校︳友人慨嘆國際學校「變質」移民尋出路Vikey媽媽：千萬別錯選「偽國際」學校 2021-04-13 前幾日，同香港嘅朋友傾偈，佢大吐苦水：香港好多國際學校已經「變質」，想安排阿仔出國留學。

朋友阿仔就讀一間國際學校。

此校嘅幼兒教育有口皆碑，數十年來得到不少家庭青睞。

朋友細個嗰陣亦曾就讀，幼稚園、小學、中學一條龍。

舊生每逢講起呢間學校，都有無盡天真爛漫嘅回憶。

當中不少人希望，仔女同樣有個開心嘅童年，所以入讀嘅「舊生二代」為數不少。

朋友亦唔例外，佢係此校嘅忠實擁躉，順理成章安排阿仔入讀。

阿仔三歲開始讀書，一直相安無事，仲好鍾意返學。

朋友不時笑稱，此校係香港超前教育亂狀下，所剩無幾嘅淨土。

我非常不解：既然如此，為何不滿，甚至萌生移民念頭？ 朋友話：「你有所不知，唔單止香港，就連香港嘅國際學校，都逐漸變得面目全非。

」 國際學校補習成風 細問之下，朋友終於道出因由。

話說就讀二年班嘅阿仔，有日放學之後，眼濕濕發脾氣話：老師教嘅數學，大家都識，得佢唔識。

朋友之後向其他父母了解，才如夢初醒：「原來佢啲同學仔，十有八九都去補習，提早學識老師未教嘅嘢。

」 朋友覺得難以置信，佢話IBDP唔易讀，預咗中學要補習搵外援。

但係提早十年，小學低年班就開始補習，佢認為難以接受。

朋友心痛阿仔之餘，亦不禁慨嘆：「老牌國際學校都尚且如此，唔通要移民，先可以重拾快樂童年？」 國際學校辨真偽 之前我喺YouTube頻道「香港Vikey移民美國」（https://bit.ly/vikey-youtube），用咗3集短片，同大家分析：揀「傳統名校」定係「國際學校」？（https://youtu.be/jYE0vqbM8Mc）。

好多讀者睇完，問我選校意見。

我發現大家對國際學校，存在不少誤解。

最普遍嘅誤解係，好多人以為學校名稱有「國際」兩個字，就係國際學校。

你諗下，中小學階段嘅國際學校並不多，但係「國際幼稚園」就開到成行成市，原因何在？因爲好多所謂國際幼稚園，並非「真國際」學校，充其量只係放更多資源「學英文」嘅本地學校。

入讀國際學校，並非去學英文，而係用英文去學嘢。

好多國際學校嘅校名，其實並無「國際」二字。

Don’tjudgeabookbyitscover。

到底何謂國際學校？ 廣義而言，國際學校提供非本地課程，例如國際文憑IB、美制SAT/AP、英制IGCSE/A-level、以及其他外國課程（澳洲、加拿大、法國、德國、日本、韓國等）。

以學校類別而言，廣義嘅國際學校包括兩類，分別為「國際學校」（InternationalSchool）及「私立獨立學校」（PrivateIndependentSchool）。

呢兩類學校嘅收生有明顯分別。

按照教育局政策，「國際學校」嘅外籍學生必須佔總學額70%以上；而「私立獨立學校」則要求最少70%學生嘅父母其中一人為香港永久居民，因此學生嘅家庭背景相對本地化。

朋友阿仔就讀嘅老牌國際學校，屬於「私立獨立學校」。

大多數為本地家庭，將香港人爭先恐後嘅生存哲學帶入校園，實不出奇。

加上外籍學生「退學潮」湧現，補習文化一定愈演愈烈。

父母教育值得提倡 我嘅YouTube「Vikey有聲專欄」（https://youtu.be/ZBDzPSiXiBQ）有一集講：移民應該「為仔女」嗎？當中提到我一位早年移民英國嘅朋友。

阿仔好鍾意當地嘅森林學校，而朋友就提心吊膽驚跌親撞損。

之後我介紹佢睇「LastChildintheWoods」，佢先知道大自然對細路成長嘅重要，所以逐漸接納學校嘅理念。

可見，父母都需要學習。

教育係一門學問，需要學習同反思。

囡囡以前喺香港讀嘅國際學校，會定期舉辦父母教育講座。

教學生之餘，亦教父母。

如果父母教育做得好，學校嘅理念就落實得更好。

囡囡舊校嘅做法，值得更多學校借鑑。

我經常講，無唔適合國際學校嘅小朋友，只有唔適合國際學校嘅父母。

既然選擇國際學校，何不擁抱自由人性嘅教育理念？與其將本地學校嘅催谷之苦國際化，不如俾仔女一個開心自在嘅童年。

作者：陳曉瑋VikeyChen YouTubechannel:https://bit.ly/vikey-youtube 作者為「香港Vikey移民美國」版主，媒體稱為：女創業家、港產師奶。

其產品和言論獲得「紐約時報」等國際主流媒體報導。

現居美國，分享中外教育、生活、及生意場文化異同。

下一頁 熱門文章 退學潮｜名校退學潮加劇聖保羅男女流失增5成 12-22 中一派位｜2021香港中學最新排名TOP100(附各校網Top10排名) 06-15 教育熱話｜官立學校教職員明年2月中起須接種疫苗方可進入學校 12-23 【2019-20年度升幼】九龍塘基督教中心幼稚園暨幼兒園校舍成功續租今日起招生 06-26 【ViviMama】點寫幼稚園求位信好？(附求位信sample) 09-06 category 國際課程 查看更多 ▸ 國際課程|美式學制教學嚴謹循序漸進助讀IBDP 2021-12-06 知識、品格平衡發展｜宣道會劉平齋紀念國際學校　栽培未來僕人領袖 2021-11-19 國際課程｜從評估準則看IBMYP科學課程（上）｜JoyceWu 2021-11-16 國際課程｜從評估準則看IBMYP科學課程（上）｜JoyceWu 2021-11-16 透過上一篇文章的簡介，相信大家都了解IBMYP下的科學課程（Science），與GCSE或A-Level學制下的科學課程有著一些根本上的差異，從教學理念到教學方式都有著截然不同的分野。

IBMYP的科學 更多 國際課程｜IBMYP科學課程與其他學制科學課程的差異｜JoyceWu 2021-11-05 國際課程︱國際學校插班攻略（3）校方偏愛父母開通有見識孩子插班IB課程有好處︳夠薑子*呂校長 2021-11-05 香港耀中|中國「嫦娥之父」3D全息投影「到訪」校園傳授太空知識 2021-11-04 香港耀中|中國「嫦娥之父」3D全息投影「到訪」校園傳授太空知識 2021-11-04 為配合國家及香港推動科技發展，同時展現「與科技結盟」校訓，香港耀中國際學校於11月3日與香港科技創新教育聯盟舉行「紅色火星的藍色星球夢」講座。

是次活動由中國「嫦娥之父」、中國科學院歐陽自遠院士主講，他 更多 查看更多 ▸