Bossip｜大閘蟹上市處處奪命金｜Louise - BossMind

今個禮拜同林本利博士午飯，傾起佢有個理財班嘅學生中伏，幫襯銀行買咗同小米（1810）掛鈎嘅ELN（Equity Linked Notes），即係金融海嘯時累死好多人嘅股票 ... Bossip｜大閘蟹上市處處奪命金｜Louise Bossip｜大閘蟹上市處處奪命金｜Louise Louise| 2022.10.15 Bossip｜大閘蟹上市處處奪命金｜Louise 話說今年天氣熱又唔夠雨水，大閘蟹缺貨。

但股市大閘蟹早已一籮籮。

今個禮拜同林本利博士午飯，傾起佢有個理財班嘅學生中伏，幫襯銀行買咗同小米（1810）掛鈎嘅ELN（EquityLinkedNotes），即係金融海嘯時累死好多人嘅股票掛鈎票據囉。

呢位人兄喺小米股價$22、$23做ELN，近排小米得番$9左右，以百萬計嘅退休金化為烏有。

當然又係問點算好，林本利經常苦口婆心同佢理財班嘅學生講，小心銀行啲RM（RelationshipManager），一踏入銀行就向你sell嘢。

而好多都係「奪命金」，但往往跌市先知中伏。

【自製入息證明】 9月初，有個assetrich、cashpoor嘅記者行家致電俾我，謂有朋友介紹一種投資，可以唔使賣樓繼續收租，每月可以淨袋cash嘅投資方案，以解她乾塘之困局。

叫我陪佢去聽吓以防被騙，我咪當去放蛇，呢啲最耍家！ 去到尖沙咀，原來就係「買特大保單送演唱會飛」嗰間保險公司。

一入門口，落地玻璃兼無敵海景寫字樓，十足酒店大堂咁，有個咖啡bar香氣四溢，心諗：「羊毛出自羊身上」。

聽完投資顧問講解，其實就係將我朋友嘅磚頭攞去轉按，繼而攞嚿錢出嚟，買張特大（涉幾百萬元）嘅保單，謂只有此類保單，先至有保證4厘多嘅回報，計埋嚿磚頭每月租金收入，還咗按揭，仲有cash袋，咪解決到老友乾塘問題囉，簡直perfect到呢……但老友冇份工又點做按揭呢？原來會安排第三者幫你「製造入息」，按指示連續3個月存款入銀行「扮」有收入，跟住呢啲二、三線同保險公司合作嘅銀行就會批核按揭。

此舉令人諗起2008年美國嘅次按風暴。

嗱，一旦按揭息口高過保單嗰4厘幾回報，仲唔奪你老命！我呢位行家非財經記者，但聽到「製造入息」已非她杯茶，再問律師朋友，更不會犯險。

其實層樓幾廿萬買返嚟，不如賺少啲將佢脫手，套現擺入銀行做定期好過喇。

【銀行與客戶零和遊戲】 講起銀行RM，今年初，接到渣兜銀行個RMcall，謂想送利是封畀我咁有心。

明知都係想sell野，冇所謂嘅咪睇吓馬騮戲。

哈，竟然sell歐洲基金！一句就「車」埋去：「到時就算基金賺價，滙水蝕又點死呢？美元走強呀！」佢就即刻縮。

跟住見戶口有條未用creditline，又再sell借美元去買張大保單，玩保費融資，話月月有息差賺，好多客都做，坐住賺喎。

我再彈佢鐘：「借錢個息口係定息我就做。

」見我刀槍不入，利是封都唔記得送俾我。

超！你估我又貪你啲利是封咩，攞下市場訊息而已，回想起嚟，如攞咗啲利是封兼買埋啲奪命金，我就嘔突。

好多RM唔記得累客輸錢，幾年前空咗日圓賺緊錢，打電話嚟叫我平倉，當然之後日圓仍跌，賺少咗喇。

到我short美金，long英鎊輸緊錢時，又唔見佢早少少撥個輪嚟溫馨提示平倉。

個客輸錢，即銀行贏錢。

11年前上映嘅《奪命金》，真係幾時睇都啱。

Louise https://www.facebook.com/louisewong15 註：專欄作家言論不代表本網立場 密切留意BossMind動向！立即CLS FB   Instagram   Youtube RelatedPosts Bossip｜大市冚包散富豪發爛渣乜都鬧得出｜Louise Bossip｜英鎊狂瀉未見底揸住層倫敦樓先捱一棍｜Louise Bossip｜富豪飯堂續集－煮酒論英雄｜Louise Bossip｜坡佬當旺我隻星洲處女股係……｜Louise Bossip｜香港盛產三世祖今次邊個冇褲着？｜Louise Bossip｜通天經紀仿製「富豪飯堂」鹹得冇道理｜Louise 在名家專欄 # Bossip Louise Louise  | 2022.10.15 透過財經內容來娛樂讀者，務求文章「好睇、過瘾、有料到。

」 分享這個帖子 標籤 編輯 Bossip Louise 目錄 港股／美股 地產 BossMind專訪 名家專欄 加密貨幣 文章精選 --所有日期 10月 2022 9月 2022 8月 2022 7月 2022 6月 2022 5月 2022 4月 2022 3月 2022 2月 2022 1月 2022 12月 2021 11月 2021 10月 2021 9月 2021 8月 2021 RelatedPosts Bossip｜大市冚包散富豪發爛渣乜都鬧得出｜Louise Bossip｜英鎊狂瀉未見底揸住層倫敦樓先捱一棍｜Louise Bossip｜富豪飯堂續集－煮酒論英雄｜Louise Bossip｜坡佬當旺我隻星洲處女股係……｜Louise Bossip｜香港盛產三世祖今次邊個冇褲着？｜Louise Bossip｜通天經紀仿製「富豪飯堂」鹹得冇道理｜Louise