旅行拍拖食買玩2日1夜長洲之旅- A姐M佬玩樂日記A and M Diary

兩日一夜長洲行程 · 第一站：蓮香咖啡 · 第二站： · 第三站：冰廠豆腐花 · 第四站：康蘭餅店 · 第五站：北眺亭（港版函館夜景） · 第六站：濤濤居火鍋煲仔菜 · 第 ... Skiptocontent A姐M佬九大簋 A姐M佬港去玩 下午茶 中菜 亞洲菜 地區 大排檔 日本菜 海鮮 港式 火鍋/雞煲 米線 粥粉麵 粵菜/廣東菜 自助餐/放題 茶餐廳/冰室 菜式 行山郊遊好去處 長洲 長洲好去處 離島 離島好去處 食品/餐廳類型  July20,2021August9,2021 aandmdiary 0Comments A姐M佬港去玩,五行石,交通,冰廠豆腐花,北眺亭,地址,好去處,康蘭餅店,打卡,打卡好去處,打卡熱點,打卡點,拍拖,拍拖好去處,推介,推薦,攝影,攝影好去處,攻略,旅行,沙嗲牛肉麵,港版函館夜景,港版鳥居,濤濤居火鍋煲仔菜,火車頭酸辣小窩,碼頭宵夜街,蓮香咖啡,西園,親子好去處,評論,豆腐花,通記,週末好去處,遊記,鈴小町,長洲,陳通記,食水配水庫公園,食買玩,香港,香港旅遊,香港旅遊點,點去 好多人放假都鍾意去長洲度假，因為長洲嘅配套、打卡、景點都係各離島之最，所以成為全香港最受歡迎嘅離島，沒有之一。

但好多人去長洲都離不開春天睇櫻花、夏天去東灣泳灘，再去食大魚蛋、芒果糯米糍、紅豆餅同手卷等等，如果你嘅必玩推介仲係以上行程，不如今個假期就跟住A姐同M佬推介，重新認識最新嘅長洲食買玩攻略，一齊去長洲打卡啦！ 兩日一夜長洲行程 Day1：中環（航程班次）->長洲->蓮香咖啡->五行石->冰廠豆腐花->康蘭餅店->北眺亭（港版函館夜景）->濤濤居火鍋煲仔菜或鈴小町->夜遊長洲海旁->長洲碼頭宵夜街->西園或長洲各酒店 Day2：陳通記->食水配水庫公園（港版鳥居）->火車頭酸辣小窩->小長城->長洲（航程班次）->中環   第一站：蓮香咖啡 地址：長洲大興堤路二號熟食巿場四號檔 電話：+85229817566 營業時間：星期一至四、星期六至日05:00–16:30 落咗船嘅第一站就梗係要醫肚啦！傳統嘅冬菇亭大排檔喺香港已經所剩無幾，但原來喺長洲仲保留住一個！呢間屹立超過40年嘅蓮香咖啡，餐廳由第一代傳到第三代，八十後嘅老闆放棄文職工作，堅守大排檔情懷，為街坊保留熟悉嘅味道。

特別推介即叫即炸嘅招牌炸豬扒，豬扒預先切件，食嘅時候夠晒方便，而且醃得入味，鹹香十足，而豬扒口感非常鬆化；沙嗲豬潤麵嘅沙嗲味香濃，仲帶有花生香，原來湯底加入咗好多花生碎粒，所以食嘅時候好有口感，加上湯底用豬骨熬製，所以味道夠厚實，而豬潤煮到啱啱好，唔會太老，而且無苦味夠新鮮，口感爽滑。

詳情：堅守大排檔精神必食沙嗲牛肉麵長洲蓮香咖啡 第二站：五行石 食飽飽就行一條BB級嘅路線啦！五行石其實係由五塊高達五米嘅大石組成，石與石間有路可行，輕易就影到尤如武俠小說嘅畫面啦！另外，五行石喺正懸崖嘅旁邊，加上一望無際嘅海景，感覺好似會搖搖欲墜跌落海咁，真係非常壯觀。

絕對係一個打卡影相嘅熱點。

詳情：BB級路線長洲五行石 第三站：冰廠豆腐花 地址：長洲冰廠路6號地舖 營業時間：星期一至五14:30後營業；星期六日及公眾假期11:30後營業 行完山，就梗係要嘆個下午茶啦！冰廠豆腐花鄰近長洲消防局，網上見到有人話，呢度嘅豆腐花每日都係限量供應，想食嘅當然唔可以太遲去，但太早去都唔得架喎，因為老闆娘又無咁早開門，我哋今日大概3點左右，行到熱辣辣，終於試到呢碗豆腐花啦。

豆腐花夠滑就唔多講，因為佢嘅更大賣點係個豆味超超超濃！加埋薑汁，簡值就係絕配！ 第四站：康蘭餅店 地址：長洲海傍道91號B地下 營業時間：星期一至日06:00–19:30 電話：+85229815218 一碗豆腐花做下午茶又邊夠飽呢？所以轉場去康蘭餅店啦！“康蘭餅店？平安包麻，成日食架啦！”話說，好多人對康蘭嘅認識，都係佢嘅平安包，我哋都唔例外，今日路過都只係想買隻平安包，但撞啱佢嘅蛋撻仔出爐，一試難忘！呢個蛋撻仔HK$10就有4隻，好抵食呀！新鮮出爐嘅蛋撻仔，熱辣辣，蛋嘅部份好滑，蛋香十足。

一啖一隻，啱啱好！ 第五站：北眺亭（港版函館夜景） 提提你：記住帶備電筒或頭燈，因為入夜後沿路並無街燈 趁日落之前就開始起步前往北眺亭啦！喺呢度可以眺望長洲全景，特別係入夜之後，真係好似日本北海道函館嘅百萬夜景，勁靚呀！ 詳情：港版函館夜景長洲北眺亭郊遊遊 第六站：濤濤居火鍋煲仔菜 地址：長洲北社七里一號前座 電話：+85268867130 營業時間：星期一至日12:00–22:00 晚餐就梗係要對自己好啲，入嚟離島無理由唔食海鮮掛！由碼頭至海旁一帶都有唔少海鮮餐廳嘅選擇。

不過，長洲有唔少海鮮餐廳就唔多老實，我哋好耐之前就唔小心幫襯過黑店喇！好彩今日嚟到濤濤居火鍋煲仔菜，呢度嘅嘢食夠新鮮又有鑊氣，最重要係公道老實！呢碟豉椒蟶子炒麵，麵底炸到脆卜卜，上面就係勁有鑊氣嘅豉椒炒蟶子。

蟶子大大隻完全無沙，加上豉椒汁非常濃郁，將脆卜卜嘅炒麵點上豉椒汁，夠晒香口惹味。

詳情：長洲豐富海鮮盛宴濤濤居火鍋煲仔菜 第七站：鈴小町 地址：長洲建新里6號海景樓B座地舖 電話：+85255652065 如果海鮮唔啱食，行到咁攰，食放題打邊爐就最啱！餐廳有肥老闆駐場，睇佢嘅身型就知對食物係有執著啦！呢度嘅肉類有兩款，分別係美國肥牛同日本黑豚肉。

兩款s肉都切得夠薄，輕輕一盪就食得。

美國肥牛嘅牛肉味香濃，油花分佈平均，接近入口即熔；而更大驚喜係日本黑豚肉（要知道豚肉嘅驚喜一向都比牛肉少），超鮮嫩而豚肉香味一流，值得一再encore！ 詳情：肥老闆對食物的堅持長洲日式火鍋放題鈴小町 第八站：西園 地址：香港長洲西灣DDCCLot12 電話：+85226669556 網址：www.saiyuenfarm.com 如果想喺長洲住番晚嘅，呢度有酒店、民宿、旅館、仲有渡假屋，但我哋今次就玩Glamping啦！所謂Glamping就係唔洗自己帶露營用品，但又有露營嘅感覺。

呢度分為四大營區：印第安營、南非營、觀星圓拱屋、蒙古包合共40個營，各具特色，亦為住客提供沐浴用品、毛巾等個人用品，而所有營內都備有燈、牀同被鋪，而部份營內仲有獨立洗手間、水冷空調同風扇等設備。

而呢個觀星圓拱屋營區喺長洲西園最受歡迎嘅營區，朝早可以好休閒咁欣賞海景、黃昏仲睇到日落美景，而夜晚仲可以睇到星海架！ 詳情：仲玩Camping?識玩一定去長洲西園歎Glamping 第九站：陳通記 地址：長洲海傍街熟食中心13號舖 營業時間：星期二至日05:00–17:00 電話：+85229818877 如果酒店無包早餐嘅，不如就嚟陳通記食碗沙嗲牛肉通粉啦！佢嘅沙嗲唔係sell辣，係sell濃香嘅沙嗲！牛肉當然同沙嗲好夾，入晒味同夠軟腍，而麵底有好多選擇，但我哋強烈推介通粉/米通，因為通粉/米通嘅通心部份會索晒啲沙嗲汁，份量又夠多，好滿足架！ 詳情：必食沙嗲牛肉長洲陳通記 第十站：食水配水庫公園（港版鳥居） 由長貴路出發，呢條係水泥平路，中途將會經過沙灘同公園，仲可以遠眺對岸嘅大嶼山芝麻灣半島。

經過桂濤花園之後，轉入長北路，沿大斜路行上去，中途所有分叉路都唔理，大概行15分鐘，就會去到長洲食水配水庫旁邊公園，喺呢個公園就會睇到港版鳥居，嗱嗱臨影幾張相打卡啦！ 詳情：港版鳥居打卡長洲食水配水庫公園 第十一站：火車頭酸辣小窩 地址：長洲新興街36號地下 電話：+85229812022 營業時間：星期二至五11:30–21:00；星期六至日及公眾假期11:30–17:00 午餐就推介你哋食碗米線啦！呢度嘅米線主打唔係平時食開嘅酸辣湯底或麻辣湯底，反而係超鮮甜嘅蜆肉紫菜湯底。

湯底充滿紫菜同蜆肉嘅精華，好鮮甜呀！蜆肉份量勁多，足足有二十隻，完全無沙，尚算肥美！最後差唔多飲晒個湯，但一啲都唔口喝。

詳情：長洲在地人米線推介火車頭酸辣小窩 第十二站：小長城 食飽午餐，又再去影相打卡啦！除咗可以幫助消化，仲有唔少打卡點，更重要係長洲大部份嘅郊遊路線都係輕鬆易行，行完又可以再食過呀！全長2公里，入口為觀音灣，終點就係玉璽石。

整個小長城郊遊徑嘅路段以石鋪設，連圍欄都係石嚟嘅，所以就好似一條小長城，係唔少人嘅打卡熱點。

詳情：輕鬆行山郊遊路線親子遊長洲小長城 世界各地／香港景點門票邊度買至平？ –>Klook：www.klook.com Trip.com：www.trip.com KKday：www.kkday.com