餞別宴被狂集郵老公黑晒面黃夏蕙笑談性生活︰老夫老妻都有 ...

黃夏蕙（夏蕙BB）將於下周四（11日）隨86歲老伴潘炳烈移民美國，上周六晚，夏蕙BB於酒樓舉行餞別宴，《頭條娛樂》記者現場直擊，頭戴皇冠嘅BB滿場飛勁 ... 黃夏蕙（夏蕙BB）將於下周四（11日）隨86歲老伴潘炳烈移民美國，上周六晚，夏蕙BB於酒樓舉行餞別宴，《頭條娛樂》記者現場直擊，頭戴皇冠嘅BB滿場飛勁開心，不過老公潘炳烈因不滿變成「吉祥物」，不斷被要求合照而黑晒面，仲嬲到好似小朋友咁雙手托頭，真係好想遞架玩具車畀佢玩呀。

BB見狀即諗計呵返，兩位加埋近200歲嘅耆英夫婦好sweet！強調今年「只係」89歲嘅夏蕙BB更自爆性生活依然美滿：「就算老夫老妻都有開心嘢嘅！」真係聽到個心都離一離呀衰鬼。

採訪：方騫平夏蕙BB人緣唔錯，離港前相約一班老友於酒樓見面，同BB做咗幾十年老友，80歲嘅盧海鵬就算行動不便一樣現身；一班「亞視之友」潘志文、徐寶鳳、魏秋樺、王瑋出晒嚟，仲有邵音音、呂珊、車淑梅夫婦、劉雅麗媽媽包曉華、張偉文經理人方俊及方麗盈等。

「千歲宴」每枱設有豐富席獎，台上有切燒豬、醒獅及演出助興。

BB好怕老公發脾氣 -閱讀更多- 當晚方俊及方麗盈齊唱《世間始終你好》；包曉華、呂珊、魏秋樺合唱《萬水千山總是情》。

而最受「熟女」歡迎嘅「陳年男神」潘志文，獨唱完《大地恩情》後便跟BB合唱「飲歌」《禪院鐘聲》，主人翁在台上致謝詞：「我好想喊，好唔捨得大家，你哋太錫我……」雖然未見有淚光，但潘志文卻拉高衫尾，作狀幫她抹淚。

全晚個個表現興奮，替BB餞行之餘亦跟其他圈中好友敍舊，唯獨夏蕙BB老公潘炳烈好似完全唔關佢事，唔肯上台又呆坐主家席自斟自飲，原來佢不滿入席前不斷被集郵而面燶燶，更發老脾大鬧：「影夠未？」連夏蕙BB都嚇親，乖乖咁坐返埋佢身邊，然後向助手打眼色，示意身邊人幫手護駕，擋開陌生人。

夫妻相處勿講大話 -閱讀更多- 夏蕙BB隨老公赴美，問到可會帶備情趣內衣同老公玩吓驚喜？BB笑言唔需要，自爆兩公婆仲keep住有情趣，她坦白說：「開心嘅嘢……乜嘢都有啦（包括性），就算老夫老妻都有老夫老妻嘅嘢！」再追問如何保持長久火辣辣時？她更興奮地爆多兩句畀大家聽，騎騎笑說：「唔辣點可以有咁多年呀！」更坦言仍有性生活：「呢啲梗係有啦，係順其自然！」不過，講到同老公相處之道，BB就話最重要係坦白：「性生活反而係其次，千祈唔好講大話，就算佢唔鍾意都好，都要坦誠講佢知！而且大家要互相忍讓，有時佢叻畀佢叻，有時我叻畀我叻，大家係平等嘅。

」老公投訴BB唔檢點在旁方俊補充指夏蕙BB身材好，夠開心，所以老公對她死心塌地，BB照單全收，得戚地和應一句：「係呀！我身材好。

」經理人Simon則踢爆夏蕙BB其實好wild，笑指她打開「野戰」：「有次送佢去新田垃圾站，老公接咗佢之後，兩公婆好快就『消失』咗！據我所知，佢一返到屋企就唔着衫唔着褲，潘Sir曾投訴過佢：『你檢點吓，拉咗窗簾先啦！』」BB聽完偷笑解畫：「可以放心，唔係咁樣，只係除晒衫準備入去沖涼，呢啲係好自然嘅事，但佢驚我畀人睇到啫！」無聲抗議■潘炳烈雙手托頭，無聲抗議做咗「吉祥物」。

女神造型■黃夏蕙頭戴皇冠，以女神造型現身。

終於識笑■好彩後來有相熟朋友同佢有傾有講，潘Sir先識笑。

寶箱禮物■車淑梅送上精緻嘅寶箱禮物。

豐富佳餚■當晚菜單有燒味拼盆、炸蝦、花膠及蒸龍躉等。

有緣相聚■盧海鵬及張偉文經理人方俊都係黃夏蕙老友。

不忘行善■夏蕙BB不忘行善，邀請賓客為黃夏蕙基金會籌款。

恩愛夫妻■夏蕙BB同老公恩愛幾十年。

感動想喊■夏蕙BB台上話感動到想喊，潘志文扯起衫尾，作狀幫她抹淚。

開心表演■曉華姐放下家事跟呂珊、魏秋樺合唱助興，她向本報再次否認私吞帛金，強調人在做天在看！變千歲宴■當晚嘅出席朋友，大部份上咗年紀。

-閱讀更多- -閱讀更多- 往下看更多文章 今天 本週 本月 油麻地沙磚壓斃青年為家中經濟支柱正儲錢結婚「乜工都做」 Top1 中國創新，10年時間「罐頭廢鐵」都飛上天！ Top2 網民燒肉店驚見僧侶大快朵頤好奇發文：僧侶都可食肉？ Top3 二十大改變中國核戰略表述建立「強大戰略威懾力量」 Top4 天文台：料3號風球將於周二早5時前維持 Top5 愛爾蘭20歲女大學生遊日誤飲咖啡嚴重過敏滯留當地醫院 Top6 馬鞍山發生行劫案的士司機被3男子劫2萬元及手機 Top7 增50廈納強檢順利紀律部隊宿舍7座上榜 Top8 聶德權排隊領國際牌等足3粒鐘運輸署長認「清龍」有難度 Top9 傳俄國公司來港註冊避制裁本港新「俄羅斯」公司急升近2倍 Top10 19年前預言唐唐問鼎特首8高人助上位3位仍叱咤政壇 Top11 開電視燒錢谷製作市況不明朗難靠廣告回收投資 Top12 紐約地鐵隨機殺人案頻發市民：通勤好驚已對政府失去信心 Top13 山頂道大樹不敵強風連根拔起倒塌壓中新巴最少7人傷 Top14 最後一次出寫真大膽露兩點搏盡「雞排妹」鄭家純：是我自己想要 Top15 卓慧思為「迷你預算案」犯錯道歉但堅拒下台或將被架空？ Top16 48歲馮德倫兩鬢斑白出席時裝周網民驚嘆愈老愈有型 Top17 食環警方打擊店鋪阻街發56告票清除4.7公噸棄物 Top18 居英港人中國領事館外示威現衝突李家超：按當地法律處理 Top19 唔聽美國枝笛或遭報復？沙特王子：別自以為威脅到我們 Top20 港疫情下競爭力削弱陳茂波：逐步放寬經濟可... 香港遭外界質疑在疫情下競爭力削弱。

財政司司長陳茂波昨出席「投資推廣周... PARKYOHOBologna最快今開... 新地旗下元朗PARKYOHOBologna積極部署推售，新地代理... 你或有興趣的文章 同陳瀅主動加咀戲慘被葉念琛Cut晒方力申唔爭氣老竇周街搵未來新抱 買定新行李箱預備飛陳慧琳復工自嘲未能一撻即着 陳自瑤密謀進軍商界　祥仔被打動再演豬八戒 孫藝珍肚凸凸出席好友婚宴 BTS取消申請延期入伍Jin率先年底服兵役 暫未知有否親熱戲陳曉華爆與家樂談情好肉麻 唱足47年從來唔會爭名奪利方伊琪開Show唔敢請汪明荃做嘉賓 栢天男吳家忻雨中散步勁浪漫