【長洲Staycation】切勿錯過！2021精選長洲各類型酒店住宿渡 ...

2021精選長洲各類型酒店住宿渡假超詳盡推介｜人氣美景打卡位｜寵物友善酒店｜訂房小貼士. ReUbird 為你嚴選長洲高質住宿配上最詳盡介紹！日出日落海景景色應有盡有！ by ... Whatsapp Share 繁中 EN 登入 註冊 服務及產品分類 PartyRoom 到會美食 特色蛋糕 花束及花藝禮品 訂製禮物 場地佈置用品 即食即煮系列 聚會及拍拖餐廳 BBQ 場地 新奇玩樂體驗 手作工作坊 戶外玩樂 遊艇出租 活動類型 搞Party 朋友聚會 慶祝生日 拍拖 企業/公司活動 婚禮 親子活動 活動攻略 活動攻略 會員計劃 會員需知 社交軟件 夾時間神器 情侶心願清單 聯絡我們 關於我們 × #生日 #拍拖好去處 #室內好去處 #禮物 #18區好去處 #PartyRoom #影相好去處 #美食 #親子好去處 #節日 #結婚 #週末好去處 #場地 #到會 #蛋糕 #行山 #郊遊 #野餐 #沙灘 #露營 #水上活動 #散水餅 #18區美食 【長洲Staycation】切勿錯過！2021精選長洲各類型酒店住宿渡假超詳盡推介｜人氣美景打卡位｜寵物友善酒店｜訂房小貼士 ReUbird為你嚴選長洲高質住宿配上最詳盡介紹！日出日落海景景色應有盡有！ by Ivy 👅Foodie｜🌍Travel｜📷Photography｜❤️Entertainment｜🐾Pet-lover 相信大家去長洲嘅時候都會想住返晚過下夜，遠離煩囂鬧市！ 而長洲雖然有各式各樣嘅住宿，但係咪都有個顧慮怕中伏呢？！ 話係渡假屋，點知要行唐樓樓梯上房，仲要得張單人床？   今次ReUbird小編將會超詳細咁為你介紹以下精選嘅長洲staycation住宿選擇： 包括人氣打卡位、酒店資訊、房價、評分等等，仲有訂房小貼士！！！切勿錯過！ 酒店推介 荔枝酒店LycheeSunsetHotel 華威酒店TheWarwickHotel  獨立渡假屋 MansiononCheungChauIsland   酒店 位於長洲嘅酒店目前黎講暫時就只得兩間，分別係荔枝酒店同華威酒店 即刻跟住ReUbird小編睇下呢兩間分別有咩特色，有幾咁特別啦！   【荔枝酒店LycheeSunsetHotel】 荔枝酒店可以話係近年最新開幕嘅一間酒店，係2019年5月先正式投入服務。

酒店設計同埋建築風格都係主打簡約時尚風，為長洲酒店帶來新穎嘅氣象！   【酒店人氣打卡位】 《戶外天台露台欣賞日落晚霞》 荔枝酒店嘅英文既然叫得做Lychee“Sunset”Hotel，咁sunset就當然係最重要啦！ 酒店就有個天台露台-【日落咖啡廳】 可以俯瞰整個長洲碼頭 黃昏時段嘅日落景色就吸引到唔少朋友到場打卡！ 酒店非常貼心咁喺一樓位置有塊黑板更新大家每日嘅日落時間： 圖片來源：跟著莫莉過生活 大家可以按照住酒店提供嘅日落時間去戶外露台到盡覽長洲日落美景～ 露台空間都算寬敞開揚，而且有bar位圍住露台邊位 等大家可以一路飲下cocktail、吹下水，一路chill住享受美景！ 🌟小編提提你： 想睇到日落靚景嘅話，記得要早起碼半個鐘左右霸個靚bar位呀！  接近日落時間嗰陣，個露台已經會聚集好多人到場欣賞日落。

早到嘅話或者可以影返個time-lapse（縮時攝影），效果一定好好！   《明信片區》 荔枝酒店設有明信片區域，更有特色長洲霓虹燈草牆～ 唔單止可以俾遊人寄明信片，仲可以打卡到此一遊～！ 信箱有各個大洲，當然唔少得自己「地頭」-長洲啦！   【酒店客房設施】 接住落黎就簡單列出一啲荔枝酒店會提供嘅設備用品： -房間方面- 24吋電視、 雪櫃、 電熱水壺、 拖鞋等等 -洗手間方面-  洗護用品、 牙膏牙刷、 毛巾、 風筒等用品 大致上日常居住要用到嘅必需品都算齊全👍🏻 單單係有提供洗護用品呢一樣，住客就可以帶少好多野！   【酒店房間類型】 設計為歐陸式渡假風 以木質元素為主，温馨又舒適～ 房間類型（以人數計算） 客房種類 大概房價 二人房 標準客房 梳化房 陽台房 $600-$1250 三人房 梳化房 陽台房 $1100-$1350 四人房 標準房 家庭房 $1100-$1400 GroupRoom 可容納6個成年人+2個小朋友 $1800-$2200 房價只供作大概參考，會因應入住日期而有所變動 陽台房個露台好大呀！！！   【酒店餐飲】 住客可以喺露台嘆住美景咁享用食物～ -早餐方面- 戶外露台享用自助歐陸式早餐 食物款式就唔算話好多 不外乎奄列、蛋、多士、凍肉等等 以上圖片來源：booking.com,trip.com,agoda 【荔枝酒店早餐資訊】 供應時間：早上08:00-10:30 加購價錢：約$50至$100一位 如果本身房間冇包早餐的話，就可以考慮一下出去食～ 💡想知道長洲有咩美食？可以參考下： 【長洲美食遊】15間掃街必食:超濃鬱沙爹+火炙牛油果班戟+炸海鮮   🔍Check-in時小小特別之處： 荔枝酒店屬長洲B&B渡假屋期旗下嘅住宿 要先到B&B渡假屋嘅reception辦理check-in手續的喔！ 圖片來源：跟著莫莉過生活 →由reception去返酒店都係只需步行2分鐘：）   🌟訂房小貼士🌟 小編發現： 荔枝酒店官網同facebook專頁不定時都會發放唔同嘅promotion👀 分分鐘有機會平過經旅遊平台訂！！！ 訂房前可以先搵下有冇官方優惠/特別住宿套票做緊呀！ 詳情請到官網或官方facebook了解更多   【荔枝酒店基本資訊】 地址：長洲94-95荔枝園（從碼頭到荔枝酒店（無樓梯，小斜路）-HowtogettotheLycheeHotel?(barrier-free)）（GoogleMap） 電話：+85229869992 WhatsApp：+85297271792 電郵：[email protected] 入住時間：15:00；退房時間：12:00 ***留意返荔枝酒店暫時係冇得俾寵物入住架！ - 【荔枝酒店評分環節】 綜合各個旅遊平台的住客意見： 房間價錢：🌕🌕🌖🌑🌑【3.8/5】（人均消費約$300-600） 舒適潔淨程度：🌕🌕🌕🌕🌕【5/5】（房間非常乾淨整齊！） 設備：🌕🌕🌕🌗🌑【4.5/5】（房間設備大致齊全；但酒店冇乜設施） 環境：🌕🌕🌕🌕🌑【4/5】（房間格局同酒店景色都好好！） 可達度：🌕🌕🌕🌕🌑【4/5】（從碼頭出發步行去酒店需5-15分鐘） 綜合評分：🌕🌕🌕🌕🌑【4/5】  【小總結】 →房間格局較簡約新穎，行溫暖時尚風 →房間類型多元化：二人至多人入住都適合 →酒店露台天空日落景、海景、地道特色村景最吸睛 →整體黎講，身處長洲，對比起同地區嘅其他住宿黎講，的確算係有酒店應要有嘅水準！   如果想再知道更多酒店環境可以按此睇下有關荔枝酒店嘅影片。

  【華威酒店TheWarwickHotel】 華威酒店係1980年長洲首間成立嘅酒店，總共有60多間酒店房。

多達8成房間都係海景房，可享有東灣景色 而大部分海景房均設有露台，可享180°海景 只有少量房間面向舒適山景 係一間寵物友善嘅酒店！   【華威酒店房間類型】 酒店有好多房間會有唔同嘅主題，好適合啲對象係： 二人同行嘅朋友 情侶/兩公婆 一大班去玩嘅朋友仔 家庭同樂日 想帶埋毛孩主子去“pet-cation”嘅「奴才」 -客房方面- 房間類型 房間簡介 適合對象 大概房價 標準客房 山景房 海景房 寵物海景房 二人同行 情侶/夫婦 攜帶寵物的 主人 $800-$1300 全海景客房 私人露台 主題： 正常海景客房 海洋主題客房 二人同行 情侶/夫婦 $950-$1400 山景客房  三人房 四人房 3-4位朋友 家庭 $800-$1200 -套房方面- 海景主題套房 私人露台 主題： 海洋世界套房 加勒比海套房 二人同行 情侶 夫婦 $800-$1300 蜜月主題套房 兩個私人海景露台 開放式客廳 用餐區 主題： 「浪漫滿屋」 情侶 夫婦  $800-$1300 豪華海景套房 兩個私人海景露台 開放式客廳 用餐區 主題： 海洋 二人同行 情侶 夫婦 $900-$1600 家庭套房 小童遊樂區 小型籃球網 小帳篷 開放式用餐廳 家庭 一大班朋友 $900-$1400 房價只供作大概參考，會因應入住日期而有所變動   【貓狗寵物入住小資訊】 基於安全理由，寵物可入住嘅房間都唔會有露台～ 可入住寵物數量：兩隻小狗或一隻大型狗 酒店好貼心喺房間內提供寵物用品區，當中包括： 濕紙巾 玩具 零食 食物盤（水碗、糧碗）* 寵物床和墊子* 寵物廁所（包尿墊）* *屬酒店財產不能取走 圖片來源：Hoilimood   各位朋友想知更多華威酒店寵物入住資訊嘅話可以睇下以下影片： ❤️長洲Vlog❤️上山下海～陽光與海灘清新空氣的Staycation||DottieHideex長洲華威酒店||  入面有提及到"petcation"寵物住宿資訊同入住點滴：）   【酒店露台成熱門打卡位】 《房內私人歐陸羅馬風半圓型露台》 剛才提及過大部分海景房均設有露台 露台半圓形設計，別具特色 可以180度俯瞰東提泳灘景色 🌟露台與露台之間距離都幾近，可以同到隔離露台傾計   《華威酒店開揚式長形大露台》 位於頂樓樓層有「skyview天台」 住客不但可盡享海傍嘅日出日落，仲可以觀賞星空浩渺 望到東提以及另一邊長洲村莊，一覽長洲180度以上環島feel嘅景色 圖片來源：華威酒店Facebook專頁 另外仲有bar枱位置，可以一邊飲下野一邊relax下！ 圖片來源：YouTube截圖-Enochvan諾穎   《Skyview天台-特色壁畫》 同一層天台仲有壁畫可以打卡📷 主題圍繞長洲各種特色 描畫出本地文化，光彩奪目   【華威酒店設施設備】 -房間設備- 等離子電視  電水壺  冰箱  拖鞋  吹風機  毛巾和洗浴用品等等 -酒店設施- 燒烤海濱燒烤樂園 酒店內位於1/F泳池旁有提供自助式燒烤場 圖片來源：YouTube截圖-DottieHidee 可以對住個海景BBQ！好chill好有渡假feel呀！ p.s.毛孩都可以進入燒烤場架～ 圖片來源：背包客棧 住客可以免費享用燒烤爐 酒店亦有提供滋味燒烤套餐及單點菜單 但係燒烤用具需要自備   戶外游泳池 圖片來源：Oh!爸媽 戶外游泳池開放時間：請留意官網。

  Switch 住客可以喺房內玩下switch~ 圖片來源：90後在職茶Cha媽   以上三項設施設備費用：全免 Switch同燒烤爐可以辦理入住登記手續時向前台職員借用 數量有限，先到先得！   【酒店餐飲】 招牌露台全英式早餐，欣賞晨曦🌅 餐廳有海鮮蒸氣火鍋 圖片來源：華威酒店Facebook專頁 查詢及預訂電話：+85231766312/+85226207224**每日供應之數量有限（最好先致電詢問一下！）   【酒店租借水上運動折扣優惠】 住客如果想喺長洲玩下水上運動點安排好？ 唔洗擔心！經華威酒店就可獲得長洲滑浪風帆中心嘅九折優惠！ 當中有包括一啲水上課堂，例如滑浪風帆、皮艇跟槳板等等 另外仲有其他裝備租借服務，例如繫帶、橡膠潛水服、鞋等等 詳情可去華威酒店官網睇下有咩水上活動啱你！   【華威酒店基本資訊】 地址：香港長洲東灣（經東灣路步行約5-8分鐘）（GoogleMap）  電話：+85231766312/+85229810976  WhatsApp：+85260868830 電郵：[email protected]  入住時間：15:00；退房時間：12:00 Skyview天台開放時間：17:00-23:00 - 【華威酒店評分環節】 綜合各個旅遊平台的住客意見： 客房價錢：🌕🌕🌕🌕🌗【4.5/5】（人均消費約$400-800） 舒適潔淨程度：🌕🌕🌕🌗🌑【3.5/5】 設備：🌕🌕🌕🌕🌑【4/5】 環境：🌕🌕🌕🌕🌖【4.8/5】（skyview天台同大部分房間景色都好靚！） 可達度：🌕🌕🌕🌕🌕【5/5】 綜合評分：🌕🌕🌕🌕🌗【4.5/5】  【小總結】 →帶住寵物幾乎係要揀華威酒店 →主要房間類型適合二人入住，家庭房都係得一至兩款 →整體黎講，着重景色嘅話，一定係揀華威酒店睇環島靚景！   如果想再了解更多酒店環境可以睇下以下嘅YouTube影片： 入面有提及到海景主題套房、家庭套房、skyview天台等等：） 影片來源：Enochvan諾穎 🔔長洲酒店額外小資訊🔔 各位入住前要有定心理準備注意荔枝酒店同華威酒店都係用儲水式熱水爐架！ 沖涼前要先預留10-20分鐘儲備熱水呀！ 綜合各個旅遊平台住客嘅意見，其實熱水方面都穩定同足夠：） 渡假屋 如果大家唔想住酒店嘅話，都可以考慮以下呢間充滿住殖民風格嘅獨立屋～ 一般以言，大部份長洲酒店、渡假屋住宿嘅價格都係幾百至千幾不等 而以下呢間渡假屋就係佢地差唔多10倍嘅價格 咁究竟有咩吸引，值得用咁高嘅價格去入住呢？我地即刻睇睇！ 【MansiononCheungChauIsland】 MansiononCheungChauIsland係一間非常具有歐洲風情嘅獨立屋 基本上到達之後，由內到外嘅所有建築，全個area都係打卡位！ 真係好似置身第二個國家去緊旅行咁呀！！！ 呢個大宅總共有兩層，主要係大型開放式起居空間以及寬敞嘅戶外娛樂空間 以下就等ReUbird小編再詳細為大家介紹下有咩住宿設備〜 【外部建築/設備】 -花園- 獨立屋嘅兩則都有定期有專人修理嘅花園 係好典型嘅外國住宅花園外貌〜   -屋頂露台- 景色方面 景色開揚，一望無際嘅大海輕鬆可見！ 而且可以獨享日出日落景色，唔驚要同其他住客爭靚位〜 設施方面 有燒烤站俾住客有個完美嘅户外娛樂體驗嘅空間 當中仲有好大嘅用餐空間俾大家gathering用〜 露台仲有酒吧同冰箱，唔洗特登行落去廚房咁麻煩！ 除左有得BBQ之外，露台仲有個”Jacuzzi“-按摩浴池！ 可以黎個日光浴配合埋按摩，真係一大享受呀！！！ 🌟不過記得要喺抵達前48小時確認需要使用按摩浴缸呀〜 另外仲有日光浴躺椅，就算唔想落水都可以enjoy到日光浴嘅體驗！ 而屋頂仲有兩個淋浴間同衛生間，係供戶外區域之用〜   【內部結構/設備】 《G/F》 -大型開放式廚房&用餐區域- 廚房設備：多士爐、焗爐、微波爐、爐灶、咖啡機 有興致嘅話做下烘焙都可以呀！ 烹飪完之後仲有洗碗碟機幫手，好方便〜 廚房仲有張小吧枱，放左4張高凳〜好有格調！ 而外面用餐區域就有張大圓桌可以坐到哂8個人 -客廳- 配有大型舒適L型梳化 額外的扶手椅 壁掛式平板智能電視 提供Now同AppleTV串流服務 -遊戲室- 位於客廳旁邊位置，用左透明玻璃做門 有另一部電視機 遊戲機 適合全家一齊玩嘅棋盤遊戲 同朋友都有得玩下boardgames！   《1/F》 一樓主要係休息地方：有4間臥室，共6張床，4.5間浴室 每間都有套房淋浴間同浴室 而且均設有衣櫃及座位區 -主臥室- 套房浴室 主要以白同灰色作主色，仲有雲石紋襯托，簡約得黎又夠高貴！ 配有雙水槽：一人自己可以獨占一個黎用，唔洗爭！ 亦有馬桶、淋浴間 沐浴空間 浴室外有完整一個嘅獨立浴缸 配有可折疊嘅屏幕當趟門，可以沖涼時保護返隱私 沐浴同時更可享迷人海景！真係好嘆呀！！ 臥室 有張CaliforniaKingSize嘅大床 182cmx212cm，仲長過KingSize！ 大型壁掛電視、音響設備 壁爐   -雙人臥室套房- 設有以黑白灰作主色嘅寬敞露台 可享内園景+海景景觀 可以chill下、睇下書、放鬆下 內園景：緣悠悠嘅花園都好靚喔〜 海景：真係一望無際嘅大海呀！   -上下床鋪臥室- 共有兩間精心設計嘅上下床鋪臥室 以黑白灰再配搭木材，感覺簡約時尚又柔和 以上MansiononCheungChauIsland住宿圖片由AirBnB提供 想睇更多相關住宿相片可到AirBnB瀏覽   🌟訂房注意🌟 呢間住宿實在太過搶手！！ 保守估計最好需要提早數個月甚至大半年預訂！ 如果真係有興趣預訂嘅話都可以嘗試透過AirBnB去向房東作查詢   🔔出發前小攻略🔔 1.先買定足夠居住時所需嘅食物e.g.燒烤食物等等 因為前往目的地時，途中可能有啲山路 大家要有心理準備可能要上少少山，可以係當同旅伴一齊行一陣山〜 而且住宿位置較偏遠，附近亦冇任何餐廳 所以如果打算到達後買食物，來回都較花時間喔〜 2.行裝上盡量唔好帶過多嘅行李 避免拎住咁多食物之餘又帶住咁多行李太過笨重呀！   【MansiononCheungChauIsland基本資訊】 地址：長洲東南部份，向房東預訂後才可有確實地址（從碼頭步行約20分鐘） 價錢：大約$9930/晚（只供作參考，會因應入住日期而有所變動） 適合人數：最多8人 住宿有24小時管家服務 預訂途徑：AirBnB（按此為你連結至預訂頁面） - 【MansiononCheungChauIsland評分環節】 綜合AirBnB各個的住客意見： 客房價錢：🌕🌕🌕🌕🌕【5/5】（4-8人人均消費約$1240-2480） 舒適潔淨程度：🌕🌕🌕🌕🌖【4.8/5】 設備：🌕🌕🌕🌕🌖【4.8/5】（家居以及娛樂設備應有盡有！） 環境：🌕🌕🌕🌕🌖【4.8/5】 可達度：🌕🌕🌕🌑🌑【3/5】 綜合評分：🌕🌕🌕🌕🌖【4.8/5】 【小總結】 →較適合多人入住，會有氣氛啲 →價錢上，對比起長洲其他住宿價格的確較高 →但性價比上，質素絕對比得上價錢。

的確絕對物有所值呀！ →入住係真係有一種完全逃離鬧市嘅感覺，渡假vibe滿分！ 相信大家睇完以上住宿之後都對長洲住宿有個大概認知 唔知邊間住宿係大家嘅心水呢？ 💡 另外，如果你係想體驗下露營嘅話，都可以試下長洲Glamping架！ 以下文章連結就有提及到長洲Glamping簡介，以及有關長洲玩吃玩樂嘅資訊： 【長洲攻略】遇見最美島嶼：10個打卡景點、住宿推介、租單車 快啲約埋你嘅旅伴一齊向長洲出發啦！   拍拖心願清單+靈感搜尋器 記低你地想一同達成嘅心願，需要靈感仲可以用我地嘅靈感製造機，自動推介吃喝玩樂去處同優惠，行山路線，最新電影等等並推薦給你 開始使用 ReUbird社交工具已經有3000+用戶使用，快啲黎試下啦! 關鍵詞: 香港【長洲Staycation】切勿錯過！2021精選長洲各類型酒店住宿渡假超詳盡推介｜人氣美景打卡位｜寵物友善酒店｜訂房小貼士  香港  香港  香港