花碼- 維基百科，自由嘅百科全書

花碼又叫蘇州碼子、番仔碼、草碼、菁仔碼，係種唐人數字，係種計數法，源自蘇州。

而家喺港澳街市、小販，茶餐廳同埋藥材鋪間唔中先有人用。

香港小學數學課程仍然有教用 ... 花碼 出自維基百科，自由嘅百科全書 跳去導覽 跳去搵嘢 香港灣仔某海鮮舖嘅價錢牌 花碼又叫蘇州碼子、番仔碼、草碼、菁仔碼，係種唐人數字，係種計數法，源自蘇州。

而家喺港澳街市、小販，茶餐廳同埋藥材鋪間唔中先有人用。

香港小學數學課程仍然有教用花碼，教科書入面叫佢做中國數碼。

目錄 1史 2符號 3用法 3.1橫直寫 4字謎 5萬國碼（Unicode） 5.1杭州數字 6註 史[編輯] 南宋時，蘇州碼由算籌演變出嚟。

但算籌通常用響數學同工程，花碼通常用響商業，主要用來速記。

以前喺香港嘅唐人鋪頭廣泛使用，包括街市、食肆、紅色小巴……等等[1]。

但係由廿世紀八十年代中期開始，紅色小巴慢慢唔再用花碼寫價錢牌，加上教育越來越普及，令人漸漸轉用阿拉伯數字[2]。

家陣剩係響中環[1]同葵涌[3]仲有食店用花碼嚟標價。

符號[編輯] 蘇州碼子嘅五同九，係算籌橫式符號嘅草寫。

花碼用啲特别符號嚟代表數字。

啲符號係演變自南宋記錄算籌嘅數碼。

五至九嘅花碼，係零至四嘅花碼上高各加多一筆短劃代表五（橫式加棟，豎式加橫）。

攞常用嘅橫式作例，亦即係短豎加「〇」係「〥」（五），短豎加「一」係「〦」（六），短豎加「二」係「〧」（七），短豎加「三」係「〨」（八），短豎加「〤」（四）係「〩」（九）。

其中五、九嘅花碼「〥」「〩」變唨形，以方便書寫。

因為傳統畫圈手勢係順時針方向從右到左，所以花碼「〥」收筆喺右上角。

[4][5]注意數字六到八嘅花碼「〦」「〧」「〨」，書寫陣時第一筆要係短豎，唔應寫作斜點（即使有時有人噉寫），嚟到避免佢捱誤認係「二」「三」。

一二三嘅花碼都係豎筆，要避免呢三個花碼相連時混埋，要橫筆「一二三」戥豎筆花碼換住使，第一個數字用豎筆，第二個用橫筆，第三個用豎筆……依次類推。

譬如，「二一」花碼作「〢一」，唔係「〢〡」，嚟到唔至戥「〣」混埋；又似「四三一二」作「〤〣一〢」，「一九二二」作「〡〩〢二」。

數字 〇 一 二 三 四 五 六 七 八 九 花碼 〇 〡 一 〢 二 〣 三 〤 〥 〦 〧 〨 〩 算籌横式 算籌直式 用法[編輯] 花碼係一種進位制記數系統，以位置表示大小。

記數符號寫成兩行，第一行記數值，第二行記量級。

例如： 〤 〇 〢 二 十 元 以上第一行記載嘅係數目嘅數值，「〤〇〢二」代表4022。

第二行記載數目嘅數量級同埋計量單位。

呢處數量級係拾（十），代表第一行嘅第一位數字嘅數量級係十位。

換言之，呢組數字係「40.22緡」，或「四十緡二毫二分」。

喺香港茶餐廳會將「十」或「百」寫響底做收量級。

個數嘅數量級唔使寫。

呢個計數系統同科學記數法好相近。

橫直寫[編輯] 花碼嘅「〡」、「〢」、「〣」打直寫埋一齊嘅時候，可能會搞亂，會用漢字數字「一」、「二」、「三」嚟寫清楚。

例如：「〢〡」（21）可能睇成「〣」（3），為免混淆，通常第一個數字用花碼寫，之後用漢字數字，「〢〡」就寫成「〢一」。

字謎[編輯] 舊時亦有人用花碼猜字謎。

例子：「上花碼，下官版，下花碼，上官版，上下花碼，中間官版」，估一個字[6]。

萬國碼（Unicode）[編輯] 喺Unicode3.0版本，花碼加咗入Unicode，字符碼由U+3021到U+3029。

花碼一至九寫法： 數字 蘇州碼子 應用漢字 字符 碼址 字符 碼址 0   〇 U+3007 1 〡 U+3021 一 U+4E00 2 〢 U+3022 二 U+4E8C 3 〣 U+3023 三 U+4E09 4 〤 U+3024   5 〥 U+3025 6 〦 U+3026 7 〧 U+3027 8 〨 U+3028 9 〩 U+3029 杭州數字[編輯] 花碼喺Unicode3.0標準度，俾人誤解係杭州風格。

喺Unicode4.0版本嘅「勘誤表」承認搞錯咗[7]： TheSuzhounumerals(Chinesesu1zhou1ma3zi)arespecialnumericformsusedbytraderstodisplaythepricesofgoods.Theuseof"HANGZHOU"inthenamesisamisnomer. Unicode之中大多數嘅「杭州」錯誤已經改返好，但係為咗穩定，Unicode唔畀改字符名，所以字符名之中嘅「杭州數字」亦都將錯就錯啦[8]。

字符名係一啲軟件嘅唯一標識符，改咗會有向後兼容嘅問題。

註[編輯] 維基同享有多媒體嘅嘢：Chinesenumerals ↑1.01.1"懷舊密碼".原著喺2009年2月15號歸檔.喺2009年5月21號搵到.{{citeweb}}:Checkdatevaluesin:|access-date=and|archive-date=(help) ↑花碼的消逝 ↑仍用花碼的美味雞店 ↑錢寶琮(民國21年).中國算學史上卷.北平:國立中央研究院.pp. 頁113.{{citebook}}:Checkdatevaluesin:|year=(help) ↑錢寶琮(1957年).中國數學史話.北京:中國青年出版社.pp. 頁109. ↑花碼 ↑Freytag,Asmus(2006-05-08)."UTN#27:KnownanomaliesinUnicodeCharacterNames".TechnicalNotes.UnicodeConsortium.喺2008-06-13搵到.{{citeweb}}:Morethanoneof|author=and|last=specified(help) ↑"NameStability".UnicodeCharacterEncodingStabilityPolicy.UnicodeConsortium.2008-02-28.喺2008-06-13搵到. 由「https://zh-yue.wikipedia.org/w/index.php?title=花碼&oldid=1865801」收 屬於3類：數進位制中國文化屬於3隱類：CS1errors:datesCS1errors:redundantparameter同享類模維基數據未有鏈 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 العربيةAsturianuCatalàЧӑвашлаDanskEnglishEsperantoEspañolSuomiFrançaisעבריתMagyarBahasaIndonesiaItaliano日本語LietuviųBahasaMelayuPolskiPiemontèisРусскийSvenskaTürkçeУкраїнська吴语中文Bân-lâm-gú 改拎