堅守大排檔精神必食沙嗲牛肉麵長洲蓮香咖啡 - aandmdiary

「蓮香咖啡」位於長洲大興堤路二號熟食巿場四號檔，堅守大排檔情懷。

香港長洲餐廳港式大排檔美食推介指南及食評，招牌菜包括：招牌炸豬扒、香炸雞中 ... Skiptocontent A姐M佬九大簋 下午茶 咖啡店/Cafe 大排檔 港式 粥粉麵 茶餐廳/冰室 菜式 長洲 離島 食品/餐廳類型  July18,2021July19,2021 aandmdiary 0Comments A姐M佬九大簋,人氣之選,冬菇亭,冰室,大排檔,大興堤路,奶茶,招牌炸豬扒,推介,推薦,沙嗲新鮮牛肉米通,沙嗲牛肉麵,沙牛面,港式,熟食巿場,美食,茶餐廳,蓮香咖啡,西多士,評論,長洲,長洲美食,食乜好,食評,餐廳,香港,香炸雞中翼 傳統嘅冬菇亭大排檔喺香港已經所剩無幾，但原來喺長洲仲保留住一個！有長洲嘅老街坊就向我哋推介呢間屹立超過40年嘅蓮香咖啡，餐廳由第一代傳到第三代，八十後嘅老闆放棄文職工作，堅守大排檔情懷，為街坊保留熟悉嘅味道，更新增唔少嘅創意食物，讓大排檔加入青春活力。

招牌炸豬扒、香炸雞中翼 豬扒同雞翼都係即叫即炸，夠晒熱辣辣！豬扒預先切件，食嘅時候夠晒方便！味道方面，醃得入味，鹹香十足，而豬扒口感非常鬆化，亦保持住肉味，絕對係蓮香嘅招牌名物之一。

至於雞中翼非常香脆，咬落去嘅時候，勁多肉汁。

沙嗲新鮮牛肉米通 如果沙嗲牛肉同公仔麵係最佳拍檔，咁沙嗲牛肉同米通就好似牛郎同織女，可遇不可求，因為市面上有米通食嘅地方唔多，難得見到，就一定選擇米通啦！上枱嘅時候，以為牛肉份量唔多，但一路食，先知入面仲有勁多牛肉，相信係煮嘅時候，將沙嗲、牛肉同米通撈勻，令米通同牛肉更索汁。

沙嗲當然係主角啦，沙嗲味香濃，仲帶有花生香，原來湯底加入咗好多花生碎粒，所以食嘅時候好有口感！牛肉採用新鮮牛肉，非常嫩滑！至於米通除咗外表索晒沙嗲汁，就連通心嘅部份亦注滿沙嗲汁，真係超滿足呀！ 沙嗲爽滑豬潤配自家製韮菜餃瀨粉 一座建築物，除咗外牆嘅裝飾，地基都要好穩固。

講緊嘅係除咗沙嗲夠香濃，其實本身嘅湯底亦花咗唔少功夫，用豬骨熬製，所以味道夠厚實。

除咗牛肉之外，原來豬潤同沙嗲都勁夾！豬潤煮到啱啱好，唔會太老，而且無苦味夠新鮮，口感爽滑。

至於韮菜餃係每日自家新鮮製造，餡料豐富，漲卜卜，韮菜勁多。

雪糕芝麻西多士 講到大排檔嘅美食，又點少得西多士呢！西多士上面有牛油同煉奶，因為夏天炎熱，我哋另外加咗雪糕球，令即叫即炸嘅西多士，加添冰火交融嘅感覺。

以為有煉奶又有雪糕就一定好甜？店主特別喺西多士入邊加入芝麻，除咗可以中和甜味，更可以令味道有多重層次。

雪糕菠蘿包 同樣係冰火交融嘅又點止西多士呢？仲有呢個雪糕菠蘿包！菠蘿包外皮超鬆脆，麵包軟熟，熱辣辣嘅中間夾住一球朱古力雪糕。

食嘅時候雖然會好論盡，但一層熱、一層凍又一層熱嘅刺激感，真係又high又dirty！ 凍檸茶 蓮香出名嘅係奶茶，有唔少街坊都習慣嚟到嘆杯熱奶茶再坐船出中環。

可惜我哋都唔飲奶茶，於是就叫咗杯凍檸茶，值得回味嘅當然係濃香嘅茶膽，夠清香又解喝。

雪糕紅豆冰 呢度嘅紅豆冰同出邊嘅紅豆冰好唔同，聽店主講佢哋係採用日本紅豆，所以每粒紅豆都大大粒，另外，佢哋刻意減少紅豆蓉嘅比例，以增加紅豆控對紅豆口感嘅執著。

最後，上面放上雲呢拿雪糕，令奶香levelup，又香又滑。

後記：八十後嘅店主夫婦雖然係二代長洲人，但同一班老街坊依然打成一片，互相問候。

所以蓮香為街坊提供嘅除咗係一杯奶茶，蓮香更加係佢哋每日嘅聚腳點，係一個充滿人情味嘅地方。

蓮香咖啡 地址：長洲大興堤路二號熟食巿場四號檔 電話：+85229817566 營業時間：星期一至四、星期六至日05:00–16:30 （記住Like同Share畀朋友） 想緊貼A姐M佬嘅吃喝玩樂資訊，快啲Follow埋下面嘅Channel啦！ Facebook：A姐M佬玩樂日記 Instagram：AandMDiary Openrice：A姐M佬 大眾點評：A姐M佬 TripAdvisor：AandMDiary Youtube：A姐M佬玩樂日記 報料或合作：[email protected] Related ←影評—《解碼追兇》劇場版延續日劇結局批判現實之陰暗及腐敗 街坊粥粉麵飯佐敦盛記粥麵→ aandmdiary 香港生活、飲食、旅遊、電影博客HongKongFoodie,Lifestyle,Food,TravelandMovieBlogger&KOL,HongKongBlogger分享香港餐廳美食推介及食評，影評最新電影評論及推薦，香港周末拍拖好去處，自由行行程景點建議安排，旅行攻略懶人包等。

YouMayAlsoLike 廟街奇妙事件油麻地Maki拉麵 September27,2021 aandmdiary 0 一人晚餐旺角Yummy June7,2018December24,2020 aandmdiary 0 夠抵食款式多十六座車仔麵 January17,2021January17,2021 aandmdiary 0 LeaveaReplyCancelreplyYouremailaddresswillnotbepublished.Requiredfieldsaremarked*CommentName* Email* Website Notifymeoffollow-upcommentsbyemail.Notifymeofnewpostsbyemail. Δ 立即成為字母粉 想第一時間收到A姐M佬嘅吃喝玩樂資訊，快啲登記訂閱，成為字母粉！ 電子郵件 馬上訂閱 RecentPosts 泰國地道風味灣仔ManaThaiKitchen 超高享受熟成燒肉灣仔高質韓燒貊炙 工廈式西餐觀塘BellaShine 小清新台灣菜灣仔牛壹台食 輕鬆嘆Lunch牛頭角Flames Facebook FollowUs Facebook Instagram YouTube Privacy&Cookies:Thissiteusescookies.Bycontinuingtousethiswebsite,youagreetotheiruse. Tofindoutmore,includinghowtocontrolcookies,seehere: CookiePolicy   LoadingComments...   WriteaComment... Email(Required) Name(Required) Website